xoves, 9 de xullo de 2020

RADIO TARTARUGA. RADIO NA BIBLIO

PROGRAMAS EMITIDOS NO CURSO 2019/2020

Como xa sabedes este curso o noso cole forma parte do proxecto Radio na Biblio. E a pesar da suspensión da actividade docente presencial emitimos os seguintes programas de Radio no noso canal RADIO TARTARUGA. 

Intro para o canal de radio.

A mestra de música Sabela Fernández Fonseca e o mestre de apoio Gael  Fernández Castro tiveron a amabilidade de compoñer e interpretar expresamente para a Radio Tartaruga a intro musical para ser a cabeceira dos nosos programas de radio.

 

 1.- Día da Radio.

Aínda que non tiñamos terminada a instalación da nosa radio non quixemos esquecernos deste día para facer un programa inaugural da nosa radio na biblio. Para esta ocasión preguntámoslles aos nosos alumnos de TVA e PFPB unha pregunta moi sinxela: `` Qué é a radio para tí?´´.



2.- Mes da cultura galega.

Radio Tartaruga emite dende casa no confinamento. Celebramos no mes de maio o mes da cultura galega con palabras, refráns, poesías e cantigas. 

 



venres, 26 de xuño de 2020

FELIZ VERÁN!


RESUMO DO CURSO 2019/2020

OS RECREOS NA BIBLIO: VIVEIRO DE CIDADANÍA

Este curso levamos a cabo un proxecto de xogos de mesa nos recreos. Os xogos de mesa constitúen unha boa ferramenta para establecer habilidadades comunicacionais, interacción social, normas de cortesía, aprender a esperar, respectar os turnos, é dicir, a través dos xogos de mesa a nosa biblioteca facilita o diálogo, a comunicación, e a adquisición de valores para mellorar a convivencia e a participación activa do noso alumnado. A nosa biblioteca é un viveiro de cidadanía. Éste foi o lema deste ano da Asesoría de Bibliotecas Escolares de Galicia que nós adaptamos no seguinte cartel de fin de curso:



Estas son algunhas das actividades e xogos de mesa que os nosos alumnos compartiron durante o recreo. Preme na imaxe para ver o vídeo. 



OUTRAS ACTIVIDADES NA BIBLIO. CURSO 2019/2020

Así celebramos o 25 de novembro o Día da Eliminación da Violencia contra a muller. Fixemos un photocall e escribimos mensaxes, frases e lemas que deixamos no cortizo da biblioteca xunto coa nosa mascota Saladina. 



No Día da Paz tamén se celebra o Día da Ilustración. Aproveitamos a xornada de convivencia cos alumnos e alumnas do noso cole veciño, o CEIP Carballal para  deixar voar a imaxinación e a creatividade. Baixo o lema ´´ Ilustrando a Paz´´ os alumnos e alumnas de ambos centros fixeron uns debuxos moi orixinais. Queredes velos? Amosamos o video a continuación. 




Por último, queremos compartir unha actividade de animación á lectura que tivo moito éxito. A través da lectura do conto: ´´ Ñac, ñac, el monstruo comelibros´´ os alumnos e alumnas buscaron na biblioteca o monstruo que estaba escondido e meteron nun baúl aqueles contos e libros que lle gustan moito. 





OBRADOIRO DE ESTIMULACIÓN DA LINGUAXE A TRAVÉS DOS CONTOS

Presentamos un resumo do obradoiro de Estimulación da linguaxe a través dos contos levado na aula de Audición e Linguaxe con alumnado de primeiro ciclo. 

Este obradoiro iniciouse hai uns cursos e o equipo de mestres e mestras do primeiro ciclo ven positivo darlle unha continuidade ao obradoiro para o vindeiro curso: 

  • A lectura compartida de contos é unha ferramenta de aprendizaxe de vocabulario e desenvolvemento da linguaxe.
  • Os contos estimulan dunha forma lúdica o pensamento, a discriminación auditiva e os procesos básicos de aprendizaxe(atención, memoria, concentración, motivación e adecuación á tarefa)
  • O noso alumnado disfruta do contacto cos distintos tipos de contos.
  • A lectura de contos fomenta a imaxinación e a creatividade.
  • O obradoiro de contos favorece as habilidades comunicacionais de escoita activa e aprender a esperar (quendas)

Estes foron os contos traballados neste curso:

Amosamos a continación un video-resumo con fotos das actividades levadas a cabo nos obradoiros:






xoves, 25 de xuño de 2020

NOVA SECCIÓN NO BLOG: PUBLICACIÓNS SOBRE A NOSA BIBLIOTECA.

Inauguramos unha sección fixa adicada a compartir os artigos, ponencias,... que se vaian publicando en prensa, internet, etc

No ano 2017 publicábase na revista Eduga un artigo elaborado pola da mestra de TVA, Yolanda Barbero. Baixo o título de ´´ Inclusión, a necesidade de romper barreiras nas bibliotecas escolares´´, Yolanda explica cómo é a nosa biblioteca e os recursos que dispoñemos. Yolanda coordinou a biblioteca durante varios cursos e grazas a ela a nosa biblioteca entrou no Plan de Mellora de Bibliotecas Escolares. Tedes a continuación o enlace ao artigo:


No ano 2018, Asesoría de Bibliotecas Escolares da Xunta de Galicia nos convidou a participar nas Xornadas de Bibliotecas Inclusivas en Santiago de Compostela. Ás xornadas asistiron centros educativos de toda Galicia e tivemos a oportunidade de amosar a nosa biblioteca. Compartimos o video da ponencia da mestra Iris Murciego.




Esta é unha homenaxe a tódolos mestres e mestras que ao longo destes anos comprometéronse adicando moitas horas para conseguir unha biblioteca inclusiva, accesible para tódolos alumnos e alumnas do noso Centro, dinamizando actividadades de animación á lectura e xestionando os recursos existentes. Moitísimas grazas compañeiros e compañeiras!


mércores, 17 de xuño de 2020

DÍA DA ÁRBORE E DO MEDIO AMBIENTE.

No mes de xuño celebramos o día da árbore. É unha data moi especial na vida do noso centro xa que é un día de xuntanza e convivencia con alumnos e alumnas doutros centros. Debido á pandemia do Covid-19 non podemos estar no cole, pero seguimos traballando a distancia. 

O equipo de actividades extraescolares anímanos a facer varias actividades:debuxar unha árbore, abrazar unha árbore, facer un marcapáxinas...O equipo de biblioteca quere colaborar presentando os seguintes contos e videos. Esperamos que vos gusten. 

UN ÁRBOL. CONTO CON PICTOGRAMAS

Alina decidiu plantar unha árbore e todo comezou a cambiar. Ás veces unha pequena decisión é suficiente para transformar todo o que nos rodea. 




ÁRBOL. CONTO CANTADO

Atrevémonos a cantar un conto. Cantades connosco?



A PAISAXE DAS ÁRBORES DURANTE UN ANO

Un ano en 40 segundos é un video feito cunha cámara fixa gravando durante un ano nunha paisaxe de árbores. Video moi visual que queremos compartir para observar que a paisaxe vai cambiando.


BAIXO A SOMBRA DUNHA ÁRBORE

Queres saber qué pasa baixo a sombra dunha árbore? Un cazador galego puxo unha cámara nunha árbore durante un ano nun bosque de Lugo. E moitos animais pasaron por alí. A ver se os coñecedes.

 

DEBUXAR UNHA ÁRBORE

E para axudarvos na tarefa de debuxar unha árbore compartimos este video para debuxar unha árbore de forma moi sinxela. Colle lápiz e papel e comeza a debuxar!





luns, 15 de xuño de 2020

LIBRO VIRTUAL: ´´EU FICO NA CASA´´

Presentamos moi ilusionados o resultado final do libro: ´´Eu fico na casa´´. Libro onde sodes vós os protagonistas, alumnos/as e familias. O equipo de biblioteca quere darvos as grazas polas vosas aportacións para o libro e tamén felicitarvos polo voso traballo, esforzo e colaboración. Fixestes un bo traballo nun momento moi complicado xa que as circunstancias non foron as mellores e estamos moi orgullosos de todos vós. Desexamos veros pronto!

domingo, 7 de xuño de 2020

NÓS TAMÉN CONTAMOS CONTOS!

Abrimos con moita ilusión unha nova sección de contacontos feitos por nós! Esperamos que vos guste.

Hoxe adxuntamos a adaptación do conto ´´ La escalera´´ de Beatriz Montero ( Editorial OQO). É unha das propostas do profesorado do primeiro ciclo para rematar este curso. Non vos queremos dicir nada do conto, para que o vexades, soamente desvelar que os intrépidos protagonistas son coñecidos...
 

domingo, 17 de maio de 2020

MES DA CULTURA GALEGA

Neste ano escolar 2019-2020, e por motivo da pandemia do Covid-19, non podemos estar de forma presencial no colexio, pero seguimos traballando a distancia, e como no, festexando todos aqueles días sinalados no calendario.

Neste mes de maio imos celebrar a “cultura galega”. O equipo de dinamización lingüística xunto coa colaboración do equipo de actividades extraescolares e o equipo da biblioteca deseñaron estas actividades que vos amosamos a continuación. Animamos ás familias a que participen. 






venres, 24 de abril de 2020

CELEBRAMOS O DÍA DO LIBRO

CONTACONTOS
Qué mellor maneira de festexar este día compartindo con tódalas familias un contacontos feito con moita ilusión pola mestra de TVA e membro do equipo de Biblioteca, INÉS. Trátase da adaptación do conto: ´´El cazo de Lorenzo´´. 


#FAME DE PALABRAS
Para este día tamén damos por rematada a  nosa participación na iniciativa de Asesoría de Bibliotecas Escolares de Galicia a cal nos convidaba a enviar fotografías de palabras xunto coas portadas dos libros ás que pertencen. Resulta curioso que a maior parte das palabras elexidas están vencelladas a estes días que estamos a pasar nas nosas casas: amor, abuela, maxia, heroes, abrazo, familia,   extraordinario,...



VIDEO-MONTAXE
Outro vídeo que queremos compartir son imaxes sen texto para pensar e reflexionar por qué é tan importante a lectura e qué nos aportan os libros. 

⇰ Lembrámosvos que aínda podedes participar no Libro: ´´Eu fico na casa´´ que estamos a facer entre todos, puidendo colaborar entregando videos, audios, debuxos, fotografías, todo o que se vos ocurra acerca das actividades que levades a cabo na casa en familia nestas semanas. 


FELIZ DÍA DO LIBRO, FAMILIAS!


xoves, 23 de abril de 2020

DÍA MUNDIAL DO LIBRO E DO DEREITO DE AUTOR 2020.

E xa chegou un dos días máis importantes na nosa biblioteca: O día do libro.
Gustaríanos celebralo todos xuntos pero as circunstancias nos obrigan a ficar na casa.
Amosamos unha adaptación do fermoso CARTEL editado pola Consellería de Educación, Universidade e Formación Profesional  para conmemorar este día. Vai adxunto un pequeno texto de Manuel Gago, escritor, xornalista e divulgador da cultura galega. Para facilitar a accesibilidade á información do texto fixemos un audio da lectura.

22 DE ABRIL. DÍA DA TERRA

Ola familias!

Neste día queremos concienciar e reflexionar sobre a contaminación que ameaza ao noso planeta.

A orixe desta conmemoración remóntase ao 22 de abril de 1970 cando millóns de cidadáns dos EEUU, manifestáronse e movilizáronse para sensibilizar e aumentar a conciencia social do noso planeta.

Lembra as 3 erres: REDUCIR, RECICLAR, REUTILIZAR (REFUSAR).

Queremos compartir esta historia de Eva Clemente: ´´ ¿Qué le pasa al planeta?´´.

Esperamos que vos guste.


venres, 10 de abril de 2020

FAME DE PALABRAS

Seguindo coa celebración do Mes do Libro na nosa biblioteca, o persoal do Centro participa na proposta de Asesoría de Bibliotecas Escolares de Galicia seleccionando palabras xunto ás portadas dos libros ás que pertencen. Está sendo unha actividade moi especial nestes días. Escollemos un libro que é significativo para nós e unha palabra representativa do que estamos a pasar estes días. 

Nós tamén temos Fame de Palabras. 

Acabamos de subir as primeiras fotos para que vos animedes!






  
 


mércores, 1 de abril de 2020

MES DO LIBRO NA BIBLIOTECA ESCOLAR

Este é un mes moi especial para a nosa biblioteca. O día 2 celébrase o Día do Libro Infantil e Xuvenil e o día 23 o Día do Libro. Decidiuse elexir o día 2 de abril porque coincide co aniversario do nacemento de Hans Christian Andersen, autor de moitos contos clásicos coñecidos por todos nós. 

Pois ben, o Equipo de Biblioteca quere organizar dúas actividades e pedimos a VOSA COLABORACIÓN: 

1.- ´´ O MEU LIBRO FAVORITO´´
Gustaríanos que nos enviedes unha mensaxe explicando qué libros son os favoritos, cáles vos gustan máis. Podedes participar tanto as familias como os alumnos e alumnas. Poden ser libros de todo tipo: cómics, contos, novelas, recetarios, poesía, etc

2.- FAGAMOS UN LIBRO: ´´EU FICO NA CASA´´


Estamos a vivir unha situación excepcional. Sabemos que ficar na casa cos vosos fillos e fillas está a ser unha tarefa moi complicada. E se facemos un libro entre todos/as? O noso libro está en branco e gustaríanos enchelos coas vosas aportacións. O cartel deste ano do Día do Libro Infantil fala de FAME DE PALABRAS. O profesorado do centro temos fame das vosas palabras, das vosas mensaxes. Botámosvos de menos!

Podedes falar de cómo o levades estes días, ou algunha actividade que fagades en familia, mensaxes de ánimo para as familias, fotos, audios, videos, debuxos, poesías,...todo ten  cabida no noso libro. Deixade voar a vosa imaxinación e creatividade. A ver qué se vos ocurre!

Qué mellor maneira de celebrar o mes do libro facendo un libro entre todos/as!

Enviade as vosas aportacións para as dúas actividades ao email da biblio:

biblioteca.saladino@gmail.com

Ánimo familias! Xuntos o conseguiremos!








martes, 31 de marzo de 2020

SELECCIÓN DE MATERIAL SOBRE O CORONAVIRUS

Dende o equipo de biblioteca queremos compartir coas familias distintos materiais explicativos sobre o coronavirus. 
Sabemos o difícil que debe ser para moito do noso alumnado permanecer nas casas estes días. Para que poidan entender a situación fixemos unha selección de materiais útiles que lles poden axudar a comprender o que está pasando e por qué cómpre estar na casa. Para o alumnado TEA e para aqueles sen lectura amósase dúas historias sociais con pictogramas da páxina web de Arasaac. Para o alumnado que ten lectura engadimos dous contos con información sobre o coronavirus. 
Tamén adxuntamos unhas pautas e orientacións da psicóloga e educadora social Elena San Martín Suárez para sobrelevar este longo período na casa. 
Tedes o material seleccionado no menú da dereita. 
Un cordial saúdo. Moito ánimo a tódalas familias! Xuntos o conseguiremos!!!

venres, 27 de marzo de 2020

DIA MUNDIAL DO TEATRO

Dende o confinamento das nosas casas queremos homenaxear hoxe, día mundial do Teatro ao grupo de teatro do noso cole que leva moitos cursos facéndonos sorrir, desfrutar e soñar, e agardamos que pronto pase este pequeno ´´paréntese´´ nas nosas vidas e voltar a desfrutar das súas actuacións. 

Para iso queremos compartir unha adaptación do conto ´´ Unha eiruga moi larpeira´´ que fixo o grupo para o noso Centro para conmemorar o Día das Bibliotecas Escolares.

Pedimos disculpas da calidade da gravación pero a obra representouse en luz negra. 

PARABÉNS ACTORES E ACTRICES!!


luns, 9 de marzo de 2020

DIA DA MULLER.

Hoxe celebramos no noso centro o DÍA DA MULLER.

Quixemos celebrar este día cun sinxelo e emotivo homenaxe lembrando a tódalas mulleres que loitan día a día polos seus dereitos. Como a música é un elemento motivador para o noso alumnado fixemos unha escolma de cancións que traballan o día da muller facendo unha posta de escena de cada unha delas. 

A biblioteca estára aberta estes días para que os titores e titoras poidan compartir cos seus alumnos e alumnas curtas relacionadas con este día que fomentan valores de igualdade, desaparición de esteorotipos entre nenos e nenas,...

Baixo o lema de ´´As mulleres da miña vida´´  o alumnado de PFPB están desenvolvendo a súa creatividade escritora. Faremos un programa especial de radio para compartir as produccións escritas deste proxecto tan bonito. 






luns, 2 de marzo de 2020

OS INICIOS DA NOSA RADIO

Queremos compartir un vídeo sobre os inicios da nosa radio. Qué gratos recordos!

Daquela empregábamos a radio no cole para felicitar ao alumnado que cumpría anos. Os nosos alumnos e alumnas escribían unhas mensaxes moi especiais aos homenaxeado/as. Era un programa de radio que se facía durante o recreo, momento en que estaba todo o alumnado xunto e así poder escoitar a través do equipo de audio instalado no patio as adicatorias. Rematábamos o programa sempre cantando´´Parabéns´´. 

Fixemos unha grabación de vídeo dun programa tipo para presentalo no ano 2010 ao proxecto ´´Ponte nas Ondas´´. 

E este ano grazas a Radio na biblio estamos moi contentos de retomar ese proxecto.



luns, 17 de febreiro de 2020

DIA MUNDIAL DA RADIO. INAUGURACIÓN DA RADIO TARTARUGA

Radio Tartaruga comeza a súa nova andadura. Os inicios da nosa radio foron hai máis de dez anos. Eses primeiros anos empregábamos a radio para felicitar ao alumnado que cumpría anos. 

Grazas a Asesoría de Bibliotecas Escolares da Xunta de Galicia este curso podemos retomar o proxecto. Radio na Biblio é unha ferramenta coa que pretendemos mellorar as competencias lingüísticas  promovendo  a expresión oral, creatividade, traballo colaborativo entre alumnado e persoal do centro, ampliando deste xeito as linguaxes presentes na biblioteca. 

Inauguramos  a nosa radio aproveitando que o 13 de febreiro celébrase o DIA MUNDIAL DA RADIO. ¡Qué mellor data para poñer Radio Tartaruga en marcha!

Para este primeiro programa radiofónico un grupo de mestras entrevistaron a alumnos e alumnas de Tránsito á vida adulta e  Formación Profesional Básica e fixéronlle unha pregunta  moi sinxela:

¿Qué é para ti a radio?