venres, 10 de xuño de 2022

ENTROIDO

 Lembramos o traballo tan creativo e visual do noso alumnado que fixo sobre as máscaras do noso Entroido tradicional en Galicia. Boteiros, peliqueiros, merdeiros, madamas e galáns ou vergalleiros foron os protagonistas do noso hall durante o entroido. Como as máscaras quedaron tan bonitas e os rapaces/as fixeron un estupendo traballo agora decoran o comedor do cole. 




BIBLIOTECAS ESCOLARES CARBALLAL

 Recibimos un email dos alumnos de 5º e 6º de Primaria do noso cole veciño o CEIP CARBALLAL o cal compartiron con nós o seu traballo de Bibliotecas Escolares Solidarias. Trátase de contos adaptados: audiolibros e con lingua de signos. Os códigos QR enlazan aos audios dos contos para poder escoitalos.

Moitas grazas, rapaces e rapazas. Bo traballo!!








FARO DA ESCOLA

DOUS PREMIOS DE FARO DA ESCOLA ESTÁN RELACIONADOS COA BIBLIOTECA

Estamos moi contentos de recibir dous premios na VII Edición de Faro da Escola. Faro da Escola é un proxecto de Faro de Vigo co que pretende achegar a prensa e os periódicos aos centros educativos da provincia de Pontevedra. Ao longo do curso os centros traballan no deseño dun periódico con novas, reportaxes, entrevistas...ao final de curso Faro de Vigo organiza unha gala para dar uns premios aos centros participantes. Este curso recibimos dous premios vencellados coa biblioteca escolar. 

1.- TERCEIR PREMIO ´´ MELLOR REPORTAXE´´ CEE SALADINO CORTIZO: ´´LA OTRA VOZ DEL COLEGIO SALADINO CORTIZO ´´: reportaxe sobre os sistemas alternativos e aumentativos de comunicación como unha alternativa ao alumnado que non ten linguaxe oral e como pode axudar a estos alumnos a participar en dinámicas da biblio, por exemplo, na grabación de podcast. 



2.- TERCEIR PREMIO PATROCINADO POLA EDITORIAL XERAIS ´´ MELLOR ENTREVISTA´´ CEE SALADINO CORTIZO: ´´ENTREVISTA A RAMÓN D. VEIGA ´´: o venres 18 de marzo veu visitarnos o escritor Ramón D. Veiga a pasar un ratiño cos rapaces e rapazas de Tránsito á Vida Adulta Sur, e aproveitaron para facerlle a seguinte entrevista. 



No seguinte enlace hai información da visita de Ramón D. Veiga á nosa biblio, e como bo escritor que se precie deixou unha adicatoria no libro de visitas. ENLACE AQUÍ

3.- Outra noticia de difusión sobre os proxectos actuais que está a desenvolver a nosa biblioteca foi a seguinte: 



PÓSTER ENCONTROS PLAMBE

 O pasado 25 de marzo asistimos como tódolos anos aos encontros de centros Plambe (Plan de Mellora de bibliotecas escolares). Este ano a Asesoría de Bibliotecas Escolares convidounos a presentar  un póster con alguna experiencia da nosa biblio. Puxémonos mans a obra e decidimos realizar un póster sobre o proxecto do Camiño de Santiago que fixemos o curso pasado. E este foi o resultado. O póster foi un éxito. Moitos mestres doutros centros estiveron moi atentos ao póster facendo preguntas e dando a noraboa a alumnado e profesorado.  O código QR enlaza directamente ao proxecto. Se queredes ver o proxecto completo pinchade no enlace.



MOCHILAS VIBRATORIAS

O mestre Pablo contactou coa empresa Entresignos para facer unha exposición das mochilas vibratorias. A biblioteca deulle a benvida as mochilas o pasado  31 de maio. Foi unha experiencia única para o noso alumnado. ´´Mochilas que fan vibrar a quen non pode escoitar a música´´. Estas mochilas cambian as notas musicais por vibracións. Aínda que as mochilas están pensadas para a comunidade con diversidade funcional auditiva están adaptadas para todo tipo de público. En moitos concellos xa están dispoñibles para poder empregalas en concertos. Estas mochilas que nos trouxeron para probar precisamente pertencen ao Concello de Nigrán. Alumnado e mestres/as e persoal coidador probaron as mochilas. A maioría dos que a probaron lles encantou a experiencia e moitos rapaces non querían quitar a mochila. 




BIBLIOTECA CREATIVA

PREPARADOS, LISTOS, XA....OS ESCORNABOTS A BAILAR!

Queredes ver como se poden programar os escornabots e poñelos a bailar? Alumnado dos Programas Formativos de Formación Profesional Básica puxéronse mans á obra. Aproveitamos que o noso PDI deste curso é a música e que mellor que programar una actividade musical cos escornabots. 


PROXECTO CREA O TEU ESCORNABOT. PORQUE OS ESCORNABOTS E A ROBÓTICA PODEN AXUDARNOS. 

Mirade qué ´´aparatos´´ tan creativos e sinxelos de facer argallaron as compañeiras de Tránsito á Vida Adulta. Aparentemente parecen unhas arañas, pero son máis útiles do que pensamos. Estas arañas veñen dispostas a axudarnos a limpar o chan das aulas. Pinchade na foto para ver o video. 

RESUMO DE ACTIVIDADES DO PROXECTO BIBLIOTECA CREATIVA

A situación excepcional e os protocolos de actuaciòn non impediron que alumnado e profesorado comezaran este novo proxecto moi motivador para todxs. 




OBRADOIRO DE CONTOS EN PRIMARIA






LETRAS GALEGAS - MAIO CULTURAL

LIBRO VIRTUAL ´´A NOSA MÚSICA´´

 EN PROCESO DE ACTUALIZACIÓN

PDI A MÚSICA

 EN PROCESO DE ACTUALIZACIÓN

TOBII

SISTEMAS DE ACCESO Á INFORMACIÓN: DISPOSITIVO: TOBII

Tobii é un dispositivo que detecta o movemento das pupilas. Desta maneira as persoas con dificultade motriz poden manexar un ordenador, tableta ou comunicador cos ollos. É dicir, o´´click´´ que farías empregando un ratòn ou tocando co dedo unha tableta  se sustitúe empregando soamente os ollos. 
Para entender mellor este dispositivo tiñamos que probalo. As compañeiras de Tránsito á Vida Norte deixaronnos probar un. E aquí tedes as fotos. Fixemos probas lendo un conto dixital.Comentar que á maioría dos mestres/as que o probamos resultounos moi canso estar moito tempo empregando os ollos para seleccionar na pantalla as cousas que queríamos.  Manter a mirada permanentemete é unha tarefa que cansa moito á vista. 


Na foto vemos á mestra Carmen Toro lendo un conto dixital e pasando as páxinas sen tocar a tableta, soamente a través da mirada. 

CANVA

 FORMACIÓN DE USUARIOS: APRENDENDO CANVA

Inmersos no deseño do noso Plan Dixital decidimos realizar esta xornada formativa ´´entre nós´´. A coordinadora TICS púxose mans á obra para coordinar esta sesión. A mestra e membro do equipo de biblioteca, Rebeca Medina Sola impartiu unha sesión de usos didácticos de CANVA para todos o mestres/as e profesores/as do centro. Foi unha experiencia moi enriquecedora e quedamos con ganas de organizar máis sesións formativas para o vindeiro curso. 




A NOSA BIBLIOTECA

EN PROCESO DE ACTUALIZACIÓN

martes, 7 de xuño de 2022

DÍA DO MEDIO AMBIENTE

 Recollimos na Biblioteca Pública Xosé Neira Vilas unhas sementes para festexar o Día Mundial do Medio Ambiente. Plantaremos estas semillas á volta das vacacións xa que agora non nos da tempo a ver o proceso de xerminación e cremento.  

Estamos encantados de retomar actividades coa nosa ben querida Biblioteca Neira Vilas. Moitas grazas por doar as sementes que cuidaremos con moito cariño. 


venres, 3 de xuño de 2022

INICIÁMONOS NA BIBLIOTECA CREATIVA!

 Para ensinarlles a empregar os escornabots aos nosos alumnos/as primeiro temos que saber manexalo os mestres e mestras, así que puxémonos mans á obra. 

Contactamos con Almudena Alonso (www.competenciadixital.org) e Miguel Gesteiro (www.roboteach.es) para facer unha xornada de formación e que nos explicaran os múltiples usos didácticos dos escornabots. 

 



Queredes ver como poden bailar coreografías os escornabots? Almu e Miguel programaron os escornabots para que bailaran un baile. 


Por último comentar que outra das actividades coas que iniciamos as nosas andanzas na biblioteca creativa foi a través do deseño e creación de diversas esculturas con bloques de construcción xigantes de cartón.