venres, 8 de decembro de 2023
Deixando voar a nosa imaxinación
martes, 4 de xullo de 2023
Semana do cómic
Aproveitando a visita de Jorge Campos que veu facer un obradoiro de banda deseñada coas familias e alumndo dos programas formativos de FPB ampliamos os fondos da biblio con cómics variados e actualizados: manga, en galego, en maiúsculas, sen texto...e uns voluntarios moi voluntariosos viñeron a axudar a colocalos nas estanterías. Moitas grazas, rapaces!
PROXECTOS DA NOSA BIBLIO
Elaboramos un díptico informativo para as familias presentado no Consello Escolar do 28 de xuño de 2.023. É un resume moi visual dos proxectos actuais vencellados á biblioteca escolar.
MATERIAIS PARA AS FAMILIAS
Así quedou a Sala das Familias. Esperamos que vos guste e disfrutedes os materiais que o equipo de biblioteca seleccionou para emprestar e desfrutar en casa.
Para empezar o novo curso con moita enerxía e moitas ganas na sala das familias vos espera un agasallo moi especial .
venres, 30 de xuño de 2023
BIBLIOTECA CREATIVA CURSO 2022-2023
ESCORNABOTS: Seguimos formándonos no emprego de escornabots.
luns, 26 de xuño de 2023
ASÍ FORON AS NOSAS XORNADAS DE LECTURA E FAMILIAS
Amosamos uns videos do que foron o inicio do proxecto Lectura e Familias neste curso. Un proxecto que iniciamos con moita ilusión xa que tiñamos moitas ganas de retomar actividades e encontros coas familias.
Este curso para celebrar que estamos no proxecto decidimos facer unhas xornadas en horario lectivo, unhas xornadas de convivencia de TODA A COMUNIDADE EDUCATIVA: familias, alumnado, profesorado, persoal laboral...unhas xornadas para celebrar que por fin podemos voltar a xuntarnos.
Este é o inicio dun proxecto que seguiremos desenvolvendo nos vindeiros cursos.
Queremos dar as grazas as familias por vir. Sabemos que moitos de vos fixestes un gran esforzo xa que é dificil achegarse ao cole pola mañá porque é tempo de traballo. Grazas!!!
venres, 16 de xuño de 2023
O CORO DAS EMOCIÓNS FAI UNHA VERSIÓN DA CANCIÓN ´´A PONTE´´
O alumnado dos programas formativos de Formación Profesional Básica de Pretaller, Reprografía e Xardinería atrevéronse a interpretar a canción ´´ A Ponte´´ baixo a batuta do mestre de música Alejandro Lorenzo.
Foi un proxecto de colaboración coa actividade proposta pola Asociación Ponte nas Ondas ´´En maio Ponte a xogar cantando´´.
Na canción orixinal colaboraron grandes artistas como a nosa querida Uxía, Chico César, Celina da Piedade e Cheny Wa Gune e compoñeuse coma homenaxe a Ponte nas Ondas polo seu recoñecemento pola Unesco coma modelo de boas prácticas pola seu compromiso á promover a cultura galega e portuguesa.
A nosa versión fala de construir pontes para que non haxa obstáculos, xa que todos e todas somos iguais a ao mesmo tempo distintos.
Fixeron a presentación do podcast alumnado de Secundaria da clase da mestra Carmen, (Iker, Sara y Claudia - Secundaria B)
Esperamos que vos guste!!
martes, 6 de xuño de 2023
VISITA DO ESCRITOR MANUEL ESTEBAN
No mes de Maio tivemos a sorte de recibir a Manuel Esteban, médico, profesor, escritor e pai dun alumno do cole o cal presentou con moito agarimo e tenrura. Vos convidamos a que escoitedes a entrevista que lle fixeron os alumnos de PreFpb e Fpb. Premio Xerais 2016 pola súa novela ´´ A ira dos mansos´´ Manuel veunos falar da súa nova obra chamada ´´Setestrelo´´
VISITA DE MIGUEL LÓPEZ ´´EL HEMATOCRÍTICO´´
Lembramos a visita do autor ´´El Hematocrítico´´ que veunos falar dos seus libros. Os alumnos e alumnas de Secundaria fíxéronlle moitas preguntas e os de Tránsito á Vida Adulta animáronse a facerlle unha entrevista na Radio Saladina.
XORNADAS LECTURA E FAMILIAS
Organizamos con moita ilusión as xornadas para as familias. Unhas xornadas para clausurar o curso, para achegar o centro ás familias, para abrir as portas e para que se sintan novamente en casa tras uns anos de pandemia.
Ideamos obradoiros para familias e alumnado a tódolos ciclos do centro. Dúas delas están programadas para inicios do vindeiro curso para darlle continuidade ao proxecto que iniciamos este ano.
Compartimos o cartel e programa dos obradoiros. Familias, agardámosvos cos brazos abertos!
martes, 16 de maio de 2023
GAÑAMOS O CONCURSO DE PODCAST DE RADIO NA BIBLIO POR SEGUNDO ANO CONSECUTIVO!
Baixo o título ´´Carta a un amigo´´ o alumnado de Tránsito á Vida Adulta grabou un podcast para participar no V CONCURSO DE PODCAST RADIO NA BIBLIO EN COLABORACIÓN COA CRTVG (Radio Galega).
Este podcast homenaxea a labor epistolar de Francisco Fernández del Riego, autor ao cal se lle adica este ano o Día das Letras Galegas. Un podcast en formato carta a Francisco Fernández del Riego para agradecer toda a súa labor, para contar cousas do día a día do noso cole e para reivindicar que tanto a Editorial Galaxia coma o resto de editoriais que hai no mercado teñan en conta os nosos alumnos e alumnas publicando máis libros con pictogramas, en lingua de signos, con letras maiúsculas, audiolibros,...Por último,destacar o emprego dos comunicadores dinámicos que son a voz de moitos dos nosos alumn@ e que tamén participaron neste podcast.
Noraboa rapaces e rapazas!!