PEREGRINOS DO SALADINO FACENDO O CAMIÑO

 

PROGRAMA DE RADIO ESPECIAL PARA CELEBRAR O DÍA DA PAZ

 Celebramos o día da paz este venres 29 de xaneiro de 2021. As circunstancias que estamos a vivir non nos impiden que celebremos este día con precaución e seguridade nos grupos estables de convivencia. Gustaríanos festexar este día doutra maneira máis lúdica e conxuntamente todo o centro pero non perdemos a esperanza de que moi pronto así o faremos. 

Feliz día da Paz familias!!

RADIO TARTARUGA. RADIO NA BIBLIO

PROGRAMAS EMITIDOS NO CURSO 2019/2020

Como xa sabedes este curso o noso cole forma parte do proxecto Radio na Biblio. E a pesar da suspensión da actividade docente presencial emitimos os seguintes programas de Radio no noso canal RADIO TARTARUGA. 

Intro para o canal de radio.

A mestra de música Sabela Fernández Fonseca e o mestre de apoio Gael  Fernández Castro tiveron a amabilidade de compoñer e interpretar expresamente para a Radio Tartaruga a intro musical para ser a cabeceira dos nosos programas de radio.

 

 1.- Día da Radio.

Aínda que non tiñamos terminada a instalación da nosa radio non quixemos esquecernos deste día para facer un programa inaugural da nosa radio na biblio. Para esta ocasión preguntámoslles aos nosos alumnos de TVA e PFPB unha pregunta moi sinxela: `` Qué é a radio para tí?´´.

2.- Mes da cultura galega.

Radio Tartaruga emite dende casa no confinamento. Celebramos no mes de maio o mes da cultura galega con palabras, refráns, poesías e cantigas. 

 

FELIZ VERÁN!

RESUMO DO CURSO 2019/2020

OS RECREOS NA BIBLIO: VIVEIRO DE CIDADANÍA

Este curso levamos a cabo un proxecto de xogos de mesa nos recreos. Os xogos de mesa constitúen unha boa ferramenta para establecer habilidadades comunicacionais, interacción social, normas de cortesía, aprender a esperar, respectar os turnos, é dicir, a través dos xogos de mesa a nosa biblioteca facilita o diálogo, a comunicación, e a adquisición de valores para mellorar a convivencia e a participación activa do noso alumnado. A nosa biblioteca é un viveiro de cidadanía. Éste foi o lema deste ano da Asesoría de Bibliotecas Escolares de Galicia que nós adaptamos no seguinte cartel de fin de curso:

Estas son algunhas das actividades e xogos de mesa que os nosos alumnos compartiron durante o recreo. Preme na imaxe para ver o vídeo. 

OUTRAS ACTIVIDADES NA BIBLIO. CURSO 2019/2020

Así celebramos o 25 de novembro o Día da Eliminación da Violencia contra a muller. Fixemos un photocall e escribimos mensaxes, frases e lemas que deixamos no cortizo da biblioteca xunto coa nosa mascota Saladina. 

No Día da Paz tamén se celebra o Día da Ilustración. Aproveitamos a xornada de convivencia cos alumnos e alumnas do noso cole veciño, o CEIP Carballal para  deixar voar a imaxinación e a creatividade. Baixo o lema ´´ Ilustrando a Paz´´ os alumnos e alumnas de ambos centros fixeron uns debuxos moi orixinais. Queredes velos? Amosamos o video a continuación. 

Por último, queremos compartir unha actividade de animación á lectura que tivo moito éxito. A través da lectura do conto: ´´ Ñac, ñac, el monstruo comelibros´´ os alumnos e alumnas buscaron na biblioteca o monstruo que estaba escondido e meteron nun baúl aqueles contos e libros que lle gustan moito. 

OBRADOIRO DE ESTIMULACIÓN DA LINGUAXE A TRAVÉS DOS CONTOS

Presentamos un resumo do obradoiro de Estimulación da linguaxe a través dos contos levado na aula de Audición e Linguaxe con alumnado de primeiro ciclo. 

Este obradoiro iniciouse hai uns cursos e o equipo de mestres e mestras do primeiro ciclo ven positivo darlle unha continuidade ao obradoiro para o vindeiro curso: 

• A lectura compartida de contos é unha ferramenta de aprendizaxe de vocabulario e desenvolvemento da linguaxe.
• Os contos estimulan dunha forma lúdica o pensamento, a discriminación auditiva e os procesos básicos de aprendizaxe(atención, memoria, concentración, motivación e adecuación á tarefa)
• O noso alumnado disfruta do contacto cos distintos tipos de contos.
• A lectura de contos fomenta a imaxinación e a creatividade.
• O obradoiro de contos favorece as habilidades comunicacionais de escoita activa e aprender a esperar (quendas)

Estes foron os contos traballados neste curso:

Amosamos a continación un video-resumo con fotos das actividades levadas a cabo nos obradoiros:

NOVA SECCIÓN NO BLOG: PUBLICACIÓNS SOBRE A NOSA BIBLIOTECA.

Inauguramos unha sección fixa adicada a compartir os artigos, ponencias,... que se vaian publicando en prensa, internet, etc

No ano 2017 publicábase na revista Eduga un artigo elaborado pola da mestra de TVA, Yolanda Barbero. Baixo o título de ´´ Inclusión, a necesidade de romper barreiras nas bibliotecas escolares´´, Yolanda explica cómo é a nosa biblioteca e os recursos que dispoñemos. Yolanda coordinou a biblioteca durante varios cursos e grazas a ela a nosa biblioteca entrou no Plan de Mellora de Bibliotecas Escolares. Tedes a continuación o enlace ao artigo:

No ano 2018, Asesoría de Bibliotecas Escolares da Xunta de Galicia nos convidou a participar nas Xornadas de Bibliotecas Inclusivas en Santiago de Compostela. Ás xornadas asistiron centros educativos de toda Galicia e tivemos a oportunidade de amosar a nosa biblioteca. Compartimos o video da ponencia da mestra Iris Murciego.

Esta é unha homenaxe a tódolos mestres e mestras que ao longo destes anos comprometéronse adicando moitas horas para conseguir unha biblioteca inclusiva, accesible para tódolos alumnos e alumnas do noso Centro, dinamizando actividadades de animación á lectura e xestionando os recursos existentes. Moitísimas grazas compañeiros e compañeiras!