SAMAÍN NO SALADINO CORTIZO

💀👻 Un Samaín terrorífico👻💀

Durante parte do mes de outubro estivemos preparando o Samaín, para elo realizamos diversas actividades. Ahí vai un resumo do que fixemos.

Certame de decoración das portas das aulas.

Tamén, dende Biblioteca creativa o alumnado de FP e de Prefp: debuxou,  deseñou co programa Tinkercad, imprimiu e reapartiu uns agasallos para todo o alumnado do centro.

               

                                               

A maiores, fixemos unha pequena exposición de contos terroríficos e o profesorado do centro realizou unha representación teatral.

         

                                 

TEATRO NO OBRADOIRO DE PAPEL

      Seguindo coa temática da nosa Biblioteca... no Obradoiro de Papel de TVA fixemos un mural moi teatral e outonal!!!!

                                        

Día das Bibliotecas Escolares

 Día das Bibliotecas Escolares

O pasado xoves 24 de outubro conmemoramos o Día das Bibliotecas Escolares.

 A actividade central neste día consistiu na realización por parte da Mestra Sandra dun Kamishibai. 

O Kamishibai é un tipo de "teatro de papel" de orixe xaponés. Sandra fixo varios pases para os diferentes

 grupos do centro. A maiores propuxemos unha actividade: a realización por parte dos diferentes grupos da

 súa propia historia para o Kamishibai. 

Iremos descubrindo estas obras ao longo dos próximos meses!

                                                                                                                                                                                                              

Benvidos a un novo curso! Comezamos!

 A nosa Biblioteca

O curso pasado recibimos do Plambe dúas aportacións económicas. Unha delas estaba destinada a mercar fondos, a outra a mobiliario. 

Por diferentes cuestións recibimos estes novos mobres cara finais de curso e decidimos destinalos ao recuncho de Biblioteca creativa.

A volta das vacacións do verán dende o equipo de biblioteca, co apoio do equipo directivo e de moitas compañeiras e compañeiros decidimos darlle un cambio a biblioteca. Non só creamos novos espazos senón que pintamos tódolos mobres da biblio de cor branca. 

                                            

Estamos moi satisfeitas co resultado! Ahí van algunhas imaxes do resultado.

                 

             

   

                

                    

ACTIVIDADES PROGRAMAS BIBLIO

 Actividades Programas Biblio

Como en anos anteriores, ademais de formar parte do PLAMBE, participamos en tres programas: Radio na Biblio, Biblioteca Creativa e Lectura e Familias.

A continuación resumimos brevemente algunhas das  actividades realizadas.

Comezando por Radio na Biblio, sinalar que realizamos varias actividades con Ponte... nas Ondas! que se desenvolveron en varias sesións e nas que foi participando todo o alumnado do centro. 

                    

 

   Continuando con Biblioteca Creativa realizamos un Obradoiro sobre a maxia da ciencia das mans de Arenaria.

E finalizando con Lectura e Familias, argallamos dous obradoiros: cartas por correo, impartido por Sonia Hermida e outro sobre a importancia de comprender a información que recibimos dende diferentes medios dixitais, impartido por Marta González.

Moitas grazas a todas e todos por facernos pasar tan bos momentos!

Día do Libro

 DÍA DO LIBRO📔

O pasado 23 de abril celebrouse o día do libro. 

Para a conmemoración de este día dende o equipo de biblioteca realizamos unha selección de títulos vinculados, fundamentalmente, coa educación emocional tan importante para todas e todos.

De esta selección propuxemos que as titoras acompañadas dos seus alumnos e alumnas,  escolleran un título e primeiro fixeran unha foto con el no croma,  para elaborar un Bookflix e despois algún traballo libre, vinculado coa súa selección. 

Aquí vós deixamos o resultado.

DÍA INTERNACIONAL DA MULLER

 DÍA INTERNACIONAL DA MULLER

💜8 DE MARZO💜

     O pasado día 8 de marzo conmemoramos o día internacional da muller. 

Dende o equipo da biblioteca propuxemos traballar partindo do recollido nestes dous libriños:

Todos estes traballos fóronse expoñendo nos corredores do colexio, en murais nos que se debuxaron e se pintaron os rostros destas mulleres, acompañándoos dunha breve biografía.

Tamén se fixeron preciosos relatos falando das mulleres que forman parte da nosa vida: as nosas nais, avoas, mestras...

Partindo de todo o feito organizamos no salón de actos  un programa de radio.

Se o queredes escoitar podédelo facer clicando máis arriba a esquerda en Radio Tartaruga.

Así mesmo, e grazas a Faro da Escola, recibimos a visita de Paula Rivas, neurocientífica e divulgadora científica que nos veu a falar da súa obra:

Grazas Paula! Grazas rapazas e rapaces polo voso traballo!